Археология Беларуси

Засяленне чалавекам тэрыторыі Беларусі адносіцца да часоў каменнага веку, аддзеленым ад нашых дзён дзесяткамі, а можа быць, і сотнямі тысяч гадоў. Наяўныя ў распараджэнні гісторыкаў пісьмовыя крыніцы ахопліваюць крыху больш за адну тысячу гадоў гісторыі Беларусі. Велічэзны гістарычны перыяд быў, такім чынам, непісьменным, і сведчаннем старажытнай гісторыі людзей, якія засялялі тэрыторыю Беларусі, з'яўляюцца амаль выключна рэчавыя археалагічныя помнікі.

У падручніку на матэрыялах археалагічных пошукаў на тэрыторыі Беларусі і прылеглых краін паказаны розныя археалагічныя культуры з каменнага веку да пачатку II тысячагоддзя н.э.